MAKOSA YASIYO NA DHAMANA(NON BAILABLE OFFENCES)

-
MAKOSA YA JINAI YASIYO NA DHAMANA(NON BAILABLE OFFENCES)
sheria ya mwenendo wa makosa ya Jinai Kifungu 148(5) 
Afisa polisi msimamizi wa kituo cha polisi au mahakama ambako mtuhumiwa ameletwa au amehudhuria, haitatoa dhamana kwa mtu huyo iwapo:– 
(a) mtu huyo anashitakiwa kwa:– 
(i) mauaji, uhaini, ujambazi wa kutumia silaha, au unajisi wa mtoto; 
(ii) usafirishaji haramu wa madawa ya kulevya kinyume cha Sheria ya Madawa ya Kulevya na Kuzuia Usafirishaji Haramu wa Madawa ya Kulevya, lakini haihusu mtu aliyeshitakiwa kwa kosa la kukutwa na madawa ambayo kwa kuzingatia mazingira yote ambako kosa lilitendeka, haikuwa kwa makusudi ya usafirishaji au kibiashara; 
(iii) kosa linalohusisha heroini,kokeini, opiamu iliyotayarishwa opiamu popi (papava setijeramu), majani ya popi, mmea wa koka, majani ya koka,kanibisi sativa au kanibisi resini (Heipu ya India), methakyolani (mandraksi), kata edulisi (khati) au dawa nyingine ya kulevya au kitu cha saikotropiki kilichooreshwa kwenye jedwali la Sheria hii ambayo ina thamani iliyothibitishwa na Kamishina wa Kamisheni ya Taifa ya Uratibu wa Uthibiti wa Madawa, inayozidi shilingi milioni kumi; 
(iv) ugaidi dhidi ya Sheria ya Kuzuia Ugaidi ya mwaka 2002; 
(v) usafirishaji fedha haramu kinyume na Sheria ya Kuzuia Usafirishaji Haramu wa Fedha ya mwaka 2006;

(b) inaonekana kwamba mtuhumiwa hapo awali aliwahi kuhukumiwa kwa kifungo cha miaka inayozidi mitatu; 
(c) inaonekana kuwa mtuhumiwa hapo awali aliwahi kupewa dhamana na mahakama na alishindwa kutiii masharti ya dhamana au alitoroka; 
(d) inaonekana na mahakama kwamba ni muhimu kwa mtuhumiwa kuwekwa chini ya ulinzi kwa ajili ya ulinzi au usalama wake; 
(e) kosa ambalo mtu anashitakiwa nalo linahusisha fedha halisi au mali yenye thamani inayozidi shilingi milioni kumi isipokuwa kama mtu huyo ataweka dhamana ya fedha taslim au mali nyingine inayolingana na nusu ya kiasi au thamani ya fedha halisi au mali iliyohusika na inayobaki imewekewa dhamana: Isipokuwa kwamba pale mali inayowekwa dhamana ni mali isiyohamishika, itatosha kuweka hati miliki, au iwapo hati miliki haipo ushahidi mwingine wowote utakaoiridhisha mahakama kuthibitisha uwepo wa mali; isipokuwa masharti haya hayatumika kwa dhamana ya polisi.

Comments

Post a Comment

Popular posts from this blog

Haki na Wajibu wa Mtoto kisheria kulingana na sheria ya Mtoto ya Mwaka 2009

-
Image
Maana ya Mtoto  Kwa mujibu wa Sheria ya mtoto ya mwaka 2009(The Law of Child Act) na Mkataba wa Kimataifa wa Haki za Mtoto wa mwaka 1989 (Convention On the Rights of Child) , mtoto ni kila banadamu aliye chini ya umri wa miaka 18 kulingana na kifungu cha 4(1) cha Sheria ya Mtoto Ya mwaka 2009  Sababu za kuwa na ulinzi wa haki za mtoto ni pamoja na;  ➣ Watoto ni binadamu, wana haki sawa;  ➣ Watoto hawana sauti ya kujisemea au hawana uwezo wa kupigania haki zao wenyewe;  ➣ Kuwepo kwa wimbi kubwa la ukiukwaji wa haki za watoto mfano ukatili dhidi ya mtoto, utesaji na ubakaji Sheria ya Mtoto Namba 21 ya Mwaka 2009 inashughulikia haki za watoto Tanzania. Sheria hii inajumuisha mambo mbalimbali ya kukuza, kulinda, na kuhifadhi ustawi wa mtoto; masharti ya unajibishaji wa mtoto aliyezaliwa nje ya ndoa; masuala ya kulea, kuasili na uangalizi. Pia inatoa maelekezo na masharti yanayohusu mtoto anapokuwa katika mgogoro na sheria.  Sheria hii inatumika kutetea masuala yote
Read more

KOSA LA KUGHUSHI NA ADHABU YAKE

-
Image
KOSA LA KUGHUSHI VYARAKA MBALIMBALI Kanuni ya Adhabu kifungu cha 333 kinaeleza nini maana ya kughushi ikiwa ni ni kutengeneza nyaraka ya uwongo kwa nia ya kudanganya au kuhadaa. Kanuni ya Adhabu kifungu cha 335 kinaeleza kuwa. Mtu yeyote anayetengeneza nyaraka ya uwongo ambaye–  (a) anafanya nyaraka ambayo ni ya uwongo au ambayo ana sababu ya kuamini kuwa si ya kweli;  (b) anabadili nyaraka bila ya mamlaka kwa namna ambayo iwapo kubadili huko kungekuwa na mamlaka kungebadili matokeo ya nyaraka hiyo;  (c) anaingiza katika nyaraka hiyo bila ya mamlaka , wakati nyaraka hiyo inaandikwa, jambo ambalo kama lingeruhusiwa lingebadilisha matokeo ya nyaraka hiyo;  (d) anatia sahihi nyaraka –  (i) kwa jina la mtu yeyote bila ya ruhusa ya mtu huyo, liwe jina hilo ni la yule anayetia sahihi hiyo au silo;  (ii) kwa jina la mtu yeyote wa kubuniwa ambaye anadhaniwa kwamba yupo, iwe mtu wa kubuniwa huyo anadhaniwa kwamba ni wa jina sawa na aliyetia sahihi hiyo au sivyo;  (iii) kwa ji
Read more